 |
| This get from this site or source |
पांडूरंगा सोडा
आता तरी वीटं
या भक्ताच्या
झोपडीत नीटं - धृ.
नाही दार नाही
छत झोपडीला !
तरी भेटीची
वढं बापडीला !!
आता तुम्हीच
काढा वारी थेटं.....या - १.
किती युगं डोळे
मिटून बसावं !
थोडं आम्हालाबी
ध्यानात घ्यावं !!
वारकऱ्याचं
धरूनीया बोटं.....या - २.
तुळशी वृंदावन
एकदा पहाना !
घेवूनीया डोई
वर दाखवाना !!
तोल सावरून
धरा बिगी वाटं.....या - ३.
शेजाऱ्यानं दोरी
घातली गळ्यातं !
एक काळी कुप्पी
एकाच्या दारातं !!
मी बी कौरकं
बोलू सांगा खोटं.....या - ४.
रचना - डॉ. विजयकुमार कस्तुरे, ॲडव्होकेट, चिखली.....
________________________
Post a Comment