शाहू राजा.....

शाहू राजा.....

शाहू राजा.....

शाहू राजा.....मायबापा

वंचितांची वंदना 

पायी तुझ्या रे sssss धृ.

कालचे आम्ही जे 

नाकारलेले.....

गुलामीच्या शृंखलांनी 

बध्द ठेवलेले.....

डोळे असोनी 

अंधारलेले.....

वाचा असोनी 

जीभ कापलेले.....

नजरेस आले sssss

केवळ तुझ्या 

    शाहू राजा sssss - १.

युगांचे उपाशी 

पाहीलेस जेव्हा..... 

हुंदके तयांचे 

ऐकलेस तेव्हा.....

हाल शोषितांचे

जाणलेस जेव्हा.....

आरक्षित हक्क तयांचे 

केलेस तेव्हा.....

असा लोकराजा sssss

नाही दुजा

   शाहू राजा sssss - २

महाराचा पोर एक 

मॅट्रिक झाला.....

कळताच भेटीसाठी 

धावून गेला.....

बघताच बाळ भिमाला 

अचंबित झाला.....

दलीतांचा वाली आला 

बोलून गेला.....

वेध भविष्याचा sssss

नयनी तुझ्या 

    शाहू राजा sssss - ३

तुझ्या विचारांची 

पेटती मशालं.....

घेवूनिया पुढे निघाला 

रामजीचा लालं.....

मूलभूत हक्कांची 

करूनिया ढालं.....

संविधान देशाला 

केले बहालं.....

काव्य कस्तुरेचे sssss

पायी तुझ्या 

     शाहू राजा sssss - ४

-ॲड. डॉ. विजयकुमार कस्तुरे,