राजे लखुजी जाधव यांच्या समाधी परिसरात खोदकाम काम सुरू असताना तेराव्या शतकातील यादवकालीन पूर्वाभिमूख शिवमंदिर राजे लखुजी जाधव यांच्या समाधी समोर सापडले असुन या ठिकाणची पाहणी अरुण मलिक अधीक्षक पुरातत्व विभाग भारतीय पुरातत्त्व सर्वेक्षण मंडळ नागपूर आणि त्यांच्या चमूने पाहणी केली आहे. भारतीय पुरातत्त्व विभाग उत्खनन करताना १८ मे रोजी या ठिकाणी यादवकालीन शिवमंदिर उत्खनन करताना सापडले या मंदिरामध्ये महादेवाची मोठी पिंड,व्दारशिला व हे मंदिर मोठ्या दगडाने बांधलेले असून मंदिराखाली दगडी फरशी टाकलेली दिसुन येत आहे. उत्खननात सापडलेल्या मंदिराची स्थापना रामेश्वर मंदिरा सोबत झाली असू शकते, परंतु नंतरच्या काळात हे जमिनी खाली गाडल्यागेले असावे असा अंदाज वर्तविण्यात येत आहे. खोदकामात आढळलेल्या मंदिराचा काही भाग माती खाली दबलेला असून. या ठिकाणी अजून उत्खनन केले जाणार आहे,उत्खनन पूर्ण झाल्यानंतरच या मंदिराची रहस्य लोकांसमोर येणार आहेत. भारतीय पुरातत्व विभागाच्या नागपूर येथील सर्वेक्षण अधिकारी सविस्तर या ठिकाणची पाहणी करून माहिती घेत आहेत व याबाबत सविस्तर तपासणी करून या विषयी माहिती देणार असल्याचे त्यांनी सांगितले.