राष्ट्र संदेश गीत

सौजन्य दीप उजळा 

उजळोनी मानसाला !

उजळा विचार आपुले 

द्या धीर माणसाला    !! धृ. !!

जीवन अमोल आहे 

जगणे अमोल आहे 

विश्वात कुटुंबाला 

बघणे अमोल आहे.....

हृदयात सावली तर 

जगण्यात अर्थ आला     !! १ !!

भटकू नकोस मित्रा 

उद्विग्न नको होवू 

हो मित्र भूतलाचा 

तू विघ्न नको होवू.....

सत्पात्री दान कर तू 

बघ स्वार्थ फार झाला    !! २ !!

सर्वांसि प्रेम द्यावे 

क्रोधासि संपवावे 

आक्रोश दु:ख हिंसा 

मनुजास ना दिसावे.....

हातात हात घ्या द्या 

सोडून संगराला      !! ३ !!

हिंसा अधर्म द्वेष 

जाळीलं उभा देश 

आतंक अन् सूडाने 

होईल काय पेशं.....

विध्वंस काय कामी 

या सावरा धरेला.     !! ४ !!

लावा सुरूंग तोडा 

किल्ले गटागटांचे 

हे वर्ण पंथ जाती 

माहेर संकटांचे.....

माणूस सर्व काही 

का कस्तुरे म्हणाला     !! ५ !!