लोहारा / असलम खानापुरे :- लोहारा खुर्द गावासाठी अत्यंत महत्त्वाच्या ठरलेल्या पाणी पुरवठा कार्यक्रमाचा शुभारंभ मोठ्या उत्साहात आणि भक्तिमय वातावरणात पार पडला. ह.भ.प. श्री शिवाजी महाराज लोहारेकर यांच्या शुभहस्ते या कार्यक्रमाचे उद्घाटन करण्यात आले. यावेळी समस्त ग्रामस्थांच्या चेहऱ्यावर आनंद आणि समाधान स्पष्ट दिसत होते.
गावातील पाणी प्रश्न कायमस्वरूपी सुटावा, प्रत्येक घरापर्यंत शुद्ध आणि मुबलक पाणी पोहोचावे, या उद्देशाने हा कार्यक्रम हाती घेण्यात आला होता. शुभारंभ प्रसंगी महाराजांनी उपस्थितांना मार्गदर्शन करताना पाणी हे जीवन आहे, त्याचा योग्य वापर आणि जतन करणे ही प्रत्येकाची जबाबदारी आहे, असा मौलिक संदेश दिला.
मान्यवरांची मोठी उपस्थिती
या कार्यक्रमाला गावातील प्रमुख मान्यवर, पदाधिकारी आणि ग्रामस्थ मोठ्या संख्येने उपस्थित होते.
यावेळी शेखर पाटील, मा. सरपंच तथा संस्थापक अध्यक्ष, कै. गयाबाई रावसाहेब पाटील बहुउद्देशीय सेवा भावी सामाजिक संस्था, लोहारा खु., विलास भंडारे, मा. पंचायत समिती सभापती, लोहारा, काकासाहेब भंडारे, अध्यक्ष रिपब्लिकन पक्ष, लोहारा तालुका अध्यक्ष, सहदेव गोरे, संजय मुरटे, सुशांत कांबळे, महादेव कांबळे, सुयश पाटील, यश अरगडे, जालिंदर कांबळे, सुशाबाई मुरटे, हिरकणा कांबळे यांच्यासह समस्त ग्रामस्थ लोहारा खु. उपस्थित होते.
गावकऱ्यांतून समाधान व्यक्त
पाणी पुरवठा कार्यक्रम सुरू झाल्याने आता गावकऱ्यांना पाण्यासाठी भटकंती करावी लागणार नाही. विशेषतः उन्हाळ्यात निर्माण होणारी पाणी टंचाई दूर होईल, असा विश्वास ग्रामस्थांनी व्यक्त केला. कार्यक्रमाच्या यशस्वी आयोजनाबद्दल आयोजकांचे सर्व स्तरातून कौतुक होत आहे.
या शुभारंभामुळे लोहारा खु. गावाच्या विकासाला नवी गती मिळणार असून, पाणी पुरवठा योजनेचा लाभ प्रत्येक कुटुंबाला मिळणार आहे.
________________________
Post a Comment