आप्पासाहेब पवार यांच्या हस्ते झाला कुटेंचा सन्मान
दौंड : (बबनराव धायतोंडे) :- दौंड तालुका राष्ट्रवादी काँग्रेस पक्ष- शरदचंद्र पवार पार्टीला स्वामी चिंचोली विविध कार्यकारी सहकारी सोसायटीच्या संचालक मंडळाने तालुक्यातील पहिला चेअरमन दिला आहे. "चेअरमनपदी " रामचंद्र बबन कुटे यांची बिनविरोध निवड झाल्याबद्दल त्यांचा सन्मान दौंड तालुक्याचे नेते,दौंड पंचायत समितीचे माजी सभापती,दौंड तालुका राष्ट्रवादी काँग्रेस पक्ष शरदचंद्र पवार पार्टीचे अध्यक्ष आप्पासाहेब पवार यांच्या हस्ते करून त्यांना पुढील वाटचालीसाठी शुभेच्छा दिल्या.
यावेळी रामचंद्र कुटे म्हणाले की,सर्वांना विश्वासात घेऊन येथून पुढे आप्पासाहेब पवार यांच्या नेतृत्वाखाली स्वामी चिंचोली गावाच्या हिताची विकास कामे केली जातील.
यावेळी त्यांच्या समवेत कात्रज दूध संघाचे माजी चेअरमन रामभाऊ आण्णा टुले,प्रदेश सरचिटणीस अजित शितोळे,दौंड तालुका राष्ट्रवादी काँग्रेस पक्ष -शरदचंद्र पवार पार्टीचे युवक अध्यक्ष सचिन काळभोर,सोशल मिडिया अध्यक्ष चैतन्य पाटोळे,प्रतिक पवार आणि चिंचोली गावचे सर्व पदाधिकारी,कार्यकर्ते,संचालक मंडळ उपस्थित होते.
__________________________________
Post a Comment