आनंदराव लाठकर जीवन गौरव पुरस्काराने सन्मानित

उस्माननगर (गणेश लोखंडे) :- कै. नागोराव गणपतराव पांडे लाठकर व कै.आनंदीबाई पांडे लाठकर यांच्या स्मृतीप्रीत्यर्थ दिला जाणारा कै. ना. ग. पांडे लाठकर वैद्यकीय ट्रस्ट नांदेड व समता माध्यमिक व उच्च माध्यमिक विद्यालय यांच्या संयुक्त विद्यमाने दरवर्षी दिला जाणारा "जीवन गौरव पुरस्कार २०२५" हा पुरस्कार उस्माननगर येथील मनमिळाऊ स्वभावाचे व पंचक्रोशीत आदर्श व्यक्तिमत्व असलेले आणि सर्वांना सुपरिचित असलेले तंटामुक्तीचे अध्यक्ष आनंदराव पाटील लाठकर सहपत्नीक यांच्या जीवनकार्याची दखल घेऊन शाळेचे माजी मुख्याध्यापक आदर्श शिक्षक श्यामसुंदरराव जहागीरदार गुरुजी यांच्या शुभ हस्ते मान्यवरांच्या हस्ते प्रशस्तीपत्र, स्मृतिचिन्ह, जीवनगौरव पुरस्कार देवून गौरविण्यात आले.

यावेळी कार्यक्रमाच्या अध्यक्षस्थानी शाळेचे माजी मुख्याध्यापक व परिसरातील ऋषितुल्य व्यक्तीमत्व आदर्श शिक्षक श्यामसुंदरराव जहागीरदार गुरुजी हे होते. तर प्रमुख पाहुणे म्हणून शिवसंग्राम राष्ट्रीय अध्यक्षा तथा माजी सनदि अधिकारी श्रीमती डॉ. ज्योतीताई मेटे , डाॅ. क्षीरसागर ,वैद्यकीय ट्रस्टचे अध्यक्ष भालचंद्र लाठकर, शाळेचे मुख्याध्यापक गणेश सोनवणे, जीवन गौरव पुरस्कार प्राप्त आनंदराव माणिकराव लाठकर हे होते,

 तुकाराम वारकड गुरुजी, उद्योजक नितीन लाठकर, संस्थेचे संचालक तथा पत्रकार संघाचे सचिव प्रदीप देशमुख यांच्यासह 

 अनेक मान्यवर उपस्थित होते. सर्वप्रथम कै. श्रीमती आनंदीबाई पांडे, कै. भास्कर ना. पांडे, कै. शैलाजा भा.पांडे, कै. नागोराव पांडे लाठकर यांच्या प्रतिमेचे पूजन करून

दिपप्रज्वलन पुष्पहार अर्पण करून अभिवादन करण्यात आले. त्यानंतर कार्यक्रमांचे प्रास्ताविक अरविंद कुलकर्णी यांनी केले. दरवर्षी वैद्यकीय ट्रस्टच्या माध्यमातून गरजवंत रुग्णांना आर्थिक मदत दिली जाते. त्याचबरोबर शाळा स्तरावर शालेय जीवनात विद्यार्थ्यांच्या कलागुणांना वाव मिळावा म्हणून कै. शैलाजा भालचंद्र पांडे यांच्या स्मृतिप्रीत्यर्थ वक्तृत्व स्पर्धेचे आयोजन करण्यात आले व यशस्वी विद्यार्थ्यांचे स्मृतिचिन्ह व प्रशस्तीपत्र देऊन गौरव करण्यात आले. विशेष गौरव पुरस्काराचे मानकरी कुटुंबातील देशपांडे यांना देऊन सत्कार करण्यात आला. त्यानंतर डाॅ. ज्योतीताई मेटे ,वारकड गुरुजी, भालचंद्रलाठकर, , यांनी आपले मनोगत व्यक्त केले. उपस्थित मान्यवरांच्या हस्ते उस्माननगर पंचक्रोशीतील आदरपूर्वक व्यक्तीमत्व असलेले उस्माननगर येथील महात्मा गांधी तंटामुक्तीचे अध्यक्ष असलेले आनंदराव लाठकर यांना कै. भास्कर नागोराव लाठकर यांच्या स्मृतिप्रीत्यर्थ दरवर्षी दिला जाणारा यावर्षीचा "जीवन गौरव पुरस्कार २०२५" चा मानकरी ठरले आहेत. श्री आनंदराव लाठकर यांच्या प्रदीर्घ सेवा व जिवन कार्याची दखल घेऊन सदरील प्रशस्तीपत्र ,स्मृतिचिन्ह सहपत्नीक हा पुरस्कार देऊन गौरविण्यात आले. हा पुरस्कार मिळाल्याबद्दल पंचक्रोशीतील चाहात्यांनी, मित्र परिवार आणि परिवारातून शुभेच्छा व अभिनंदन होत आहे सदरील कार्यक्रमाचे सूत्रसंचालन प्रा.डॉ. अरविंद कुलकर्णी यांनी केले तर आभार प्रदर्शन शाळेचे पर्यवेक्षक राजीव अंबेकर यांनी केले. शेवटी पसायदान म्हणून कार्यक्रमाची सांगता करण्यात आली. यावेळी शिक्षक ,शिक्षीका ,पाहूणे मंडळी ,नातेवाईक , पत्रकार यांच्यासह शाळेतील विद्यार्थी उपस्थित होते. हा कार्यक्रम यशस्वी करण्यासाठी शाळेतील शिक्षक व शिक्षकेतर कर्मचारी यांनी परिश्रम घेतले.

चौकट 

 शिवसंग्राम राष्ट्रीय अध्यक्षा श्रीमती डाॅ. ज्योतीताई मेटे व बीड जिल्हा शिवसंग्रामच्या वतिने आनंदराव लाठकर यांना जीवन गौरव पुरस्कार मिळाल्याबद्दल मनःपूर्वक हार्दिक हार्दिक शुभेच्छा दिल्या आहेत.

------------------------------------------

🪀 सर्व महत्त्वाच्या बातम्या मिळवा WhatsApp वर लोकनेता न्यूज ला जॉईन व्हा व शेअर करायला विसरू नका👉 https://lokneta.in/