कृषि विज्ञान केंद्र, पोखर्णी च्या वतीने शेती दिन निमित्त लाभार्थी शेतकऱ्यांना निविष्ठा वाटप

माहूर (राजकिरण देशमुख) :- मौजे.हडसनी ता.माहूर येथे कृषी विज्ञान केंद्र, पोखर्णी च्या वतीने व डॉ. देविकांत देशमुख (वरिष्ठ शास्त्रज्ञ व प्रमुख ) यांच्या मार्गदर्शनाखाली राष्ट्रीय अन्न सुरक्षा अभियान व सामूहिक आद्यरेषा पीक प्रात्यक्षिक अंतर्गत बीडीएन -716 या वाणासाठी मार्गदर्शन, शेतकरी -शास्त्रज्ञ संवाद, गटचर्चा, शेतकऱ्यांचे अभिप्राय तसेच शेतकऱ्यांना कीटकनाशक,बुरशीनाशक, सूक्ष्म पोषक घटक, ट्रायकोडर्मा वाटप करण्यात आले.

यावेळी कृषी विज्ञान केंद्र,पोखर्णी चे प्रा.माणिक कल्याणकर (पीक संरक्षण तज्ञ ) यांनी तूर पिकातील किड व रोग व्यवस्थापन तसेच जैविक निविष्ठा चा योग्य वापर कसा करावा याबद्दल शेतकऱ्यांना सखोल असे मार्गदर्शन केले व शेतकऱ्यांनी विचारलेल्या प्रश्नांची उत्तर दिले.

  प्रा.संदीप जायभाये (कृषि विद्या तज्ञ) यांनी राष्ट्रीय अन्नसुरक्षा अभियान या योजनेबद्दल शेतकऱ्यांना माहिती दिली तसेच तुर पिका खालील क्षेत्र व उत्पादन वाढविण्यासाठी प्रयत्न करावे तसेच तुर पिकातील अन्नद्रव्य व पाणी व्यवस्थापन कसे करावे याबद्दल सविस्तर असं मार्गदर्शन उपस्थित शेतकऱ्यांना केले.

 यानंतर डॉ. अमिता क्षत्रिय (कृषि विस्तार तज्ञ) यांनी शेतकऱ्यांना विविध कृषि योजना, शेतीमध्ये प्रसार व सामाजिक माध्यम व विविध शेती विषयक मोबाईल ॲप व त्याचा योग्य वापर याबद्दल उपस्थित शेतकऱ्यांना मार्गदर्शन केले. यावेळी जवळपास 50 शेतकरी उपस्थित होते 

या कार्यक्रम साठी कृषि विज्ञान केंद्र, पोखर्णी चे श्री. मारोती सूर्यवंशी, श्री. संतोष वाघमारे व गावच्या कृषि सखी,CRP, सहाय्यक कृषि अधिकारी, प्रगतशील शेतकरी, व उपस्थित शेतकऱ्यांचे मोलाचे सहकार्य लाभले.

------------------------------------------

🪀 सर्व महत्त्वाच्या बातम्या मिळवा WhatsApp वर लोकनेता न्यूज ला जॉईन व्हा व शेअर करायला विसरू नका👉 https://lokneta.in/