ठाणेदार निलेश शेंबडे यांची तत्पर दखल; कापूस चोरीची माहिती मिळताच घटनास्थळी धाव

डोंगरगावात घराच्या आवारातील बाथरूममधून क्विंटलभर कापूस लंपास; शेतकऱ्याचे १० हजारांचे नुकसान, अज्ञात चोरट्याचा शोध सुरू

लोकनेता न्यूज नेटवर्क

 नागरिकांकडून ठाणेदारांच्या तत्परतेचे कौतुक

पोफाळीचे ठाणेदार निलेश शेंबडे यांनी घटनेची माहिती मिळताच सकाळीच घटनास्थळी धाव घेऊन तातडीने दखल घेतली. त्यांच्या या कर्तव्यदक्ष भूमिकेचे ग्रामस्थांकडून कौतुक होत आहे. त्यांच्या मार्गदर्शनाखाली बीट जमादार दादाराव चिल्लोहरकर तपास करीत असून, चोरट्याचा लवकरच शोध लागेल, अशी अपेक्षा ग्रामस्थ व्यक्त करीत आहेत.

दुष्काळाच्या सावटात शेतकरी; त्यात कापूस चोरीचे दुहेरी संकट

यवतमाळ जिल्ह्यातील सर्व १६ तालुक्यांचा दुष्काळाच्या ट्रिगर-१ श्रेणीत समावेश झाल्याने महागाव तालुक्यातील शेतकरीही संकटाच्या छायेत आहेत. आधीच पावसाच्या अनिश्चिततेमुळे शेती व्यवसाय अडचणीत असताना कष्टाने पिकविलेला कापूस घराच्या आवारातून चोरीला जाणे ही शेतकरी कुटुंबासाठी मोठी आर्थिक हानी आहे. निसर्गाच्या संकटासोबत आता चोरीच्या घटनांमुळेही शेतकऱ्यांची चिंता वाढली आहे. अशा दुहेरी संकटात सापडलेल्या शेतकऱ्यांना दिलासा मिळावा, अशी अपेक्षा व्यक्त होत आहे.